قلبى من غير حبك مات وضاع
والحب بقى بعدك وهم وخداع حبك انتى ساكن
فيا بين ضلوعى فى قلبى
جوة روحى بين جروحى
فين ما تروحى احساسى حاسك
حبى لامسك شوقى واصل بين حواسك عينى
دايما قدام عنيكى غرامها فيها بيناديكى
حسى بيها بصى فيها
بسهر لياليها فى عذاب غرامك
فى كل وقت بدعيلك ربنا يحفظك ويصونك
وبالشوق ليا يجيبك ويدومك
على فراقك الدنيا من غيرك صمت وشجون
وعيون حزينة بتبكى كل ثانية وكل يوم
محتاجة نظرة من عنيكى محتاجة همسة من شفايفك
محتاجة لمسة من اديكى
تشفى جرحى تطفى نارى ليل نهارى فكرى شارد
بيحاكيكى ردى قولى ايه اللى فيكى
فداكى روحى فداكى نفسى عودى
امحى عنى يأسى شيلى عنى كل حزنى كل همى
حاسس بيكى جوه روحى جوه دمى
انتى نبضى حاسس بيكى وانتى جنبى
الدنيا ليها طعم تانى والكلام بقى له معانى
حتى الاغانى اللى منك
بسمعها بصوتك بتنادينى
بتغازلنى بتحاكينى بدق قلبك
بتصافينى بصدق حبك بتقولى انى جوة همسك
وفى شجونك وفى حنينك
محتجالى ابقى جنبك ابقى شايفك شايل عنك كل همك
اكون معاكى فى كل فرحك
باعد عنك كل حزنك ابقى ليكى فى الشدة سندك
ماسح دموعك من خدودك
حبيبتى انتى فداكى قلبى كلى ملكك وحياة ربى
كل ليلة بلاقيقى اقرب لية من الليلة أللى عدت
فى كل نظرة من عنيكى
فى كل كلمة من شفايفك
بحس قلبى بين ايديكى بحس بيكى جوة نبضى
جوة قلبى جوة فكرى بين مشاعرى
حتى روحى هية انتى
حتى فكرك اللى شارد من جوة عقلك
من قلب قلبك
بينادينى يا حبيبى خليك فاكرنى مش ناسينى
خلينى عايشة جوة منك جوه قلبك
مهما طال بعدى عنك مهما حاولو يبعدونى
انت ساكن بين شجونى بين جفونى
عمرى كله هوة انت والامل لحياتى انت
انت جنه وهبها ربى تبقى ليا
يا حبيبتى الجنة انتى والصفاء
بين اديكى بحس انى فى الفضاء
فى السماء بين السحاب بين الطيور
تحت المطر نفس الشعور
بسمع صوتك فى الصباح تحت الندى
بين الشجر بين الورود
بشوفك جاية من بعيد
جواكى شوق ملوش حدود قمر منورليل سماه
شمس طاله فى يوم جديد تشرق بنورها للحياة
تطلع وتعلى فى السما فوق السحاب
جنب القمر بين النجوم فوق الخيال
نازل شعاعها بالدفا
على قلبى يمحى عنه برد الجفى فى ليل طويل
هبة من ربى وهبهالى والدنيا بيكى تصفالى
وعمرى من غيرك ما يهنالى
لا جديد سطرت فابدعت
ردحذفعزف جميل كاجمالك وخالقي
رائع حقا ما كتبت هنا
بنتظار كرم ابداعك
دمت نجم متالق في هذا الصرح
آتمنى لـك آلسسعآده بحجم آلسسمآء وربمـآ آكبـر..~