كنت خيـــال
ليه يا حبيبتى رحتى وغبتى وسيبتى القلب فى مر ونار
عقلى احتار ليل ونهار بفكر فيكى سارح فى ليالى سهر فى عنيكى
وصلتينى حبيبتى لفين مش عارف حتى طريقى منين
معقول انا كنت ليكى محـــال حاسس انى كنت خيـــــال
فكرت هعيش عمرى اتهنى كنت معاكى عايش فى الجنة
اتحول حبك ليه لخيــــال حياتى من غيرك حبيبتى محـــــال
ليل ونهار دموع وانين الحب الصادق اجيبه منين
حبك انتى حبيبتى حياتى وبعدك عنى يبقى مماتى
قليلى حبيبتى اجيلك فين ضى عنيكى طريقه منين
لو فى النار ادخلها عشانك تداوينى بحبك يشفينى حنانك
اوعى تكونى نسيتى الذكرى ويبقى حبى مجرد فكرة
انتى ليا حبيبتى الشمس تطلع تعلا لبكره وامس
وطول العمر طاله عليا بدفا وحنان وجودك جنبى كله امان
فاكرة كل مكان رحناه يشهد على حب عظيم عشناه
وسمع كل كلام فى الحب احنا قلناه يبقى ذكره عايشه معاه بتفكره بينا
كنا احلى اتنين عاشقين نظرة عينك بتخلينى سعيد لسنين
ولمسه ايدك بتحسسنى ان انا انسان ليا كيان ليا حبيبه
منى قريبه شايله عنى كل همومى بتفرحنى وتنسينى كل شجونى
فداكى عمرى فداكى الروح انا من غيرك اعيش مجروح
حبيبتى انا جيت الدنيا عشانك وقلبى نبضه بنبع حنانك
قلبى ليكى هوة مكانك هوة كيانك حبه كله حبيبتى عشانك
عمرى مكنت اتصور يوم ابات من غيرك كده مهموم
واحس انى كنت خيال ارجعى خلى فراقنا محال
بحبك حب يهز جبال بحبك حب عدد فى رمال
بحبك حب زهور لنداها بحبك حب طيور لغناها
بحبك حب لو طلع السما ينورها وينور شمسها وقمرها
ولو نزل على الارض يخضرها ولو طل على الورود يزهرها
بحبك حب لو طلع من روحى يدمرها ولو فضل فيها يصبرها
بحبك حب لو طلع الشمس يخرجها عن مدارها
ولو شافه القمر نور الارض بكواكبها ونجومها واقمارها
هوة ده حبى ليكى جوة قلبى يا ريت يكفيكى
الحب الصادق لقيته فيكى لقيته فى قلبك
عودى حبيبتى انا مستنيكى اعيش العمر وايدى فى اديكى
معـزوفه رائعه عُزفت هٌنا
ردحذفكُنت بين أحرفها سأرحه ومتعجبه
وأردد مبدعٌ هو من كتبها ,
ولـلآبداع صفحة جديده معك
أرتقبها دائماً ي جميل |ّ
لـ قلبك أمان بحجم السماء }...
من الراجع ان تعطر سطورى بعطرك الفواه برائحه من انقى واجمل روائح الجنه وورودها يا من انحنى امامك اعجااااااااااااااابا وتقديييييييييييرا واحتراما
ردحذفبكل الود فديتك رفيقتى العزيزة الغاليه وجدان
♡
ردحذف